Туденце е село во Општина Јегуновце, во околината на градот Тетово.

Туденце лежи во Полошката котлина и се наоѓа на 13 километри од Тетово, во подножјето на планината Жеден. Спаѓа под општина Јегуновце и како и поголемиот дел од селата во оваа општина е од збиен тип и до селото се стигнува по асфалтиран пат од сите страни.

Во отоманските даночни регистри од 1626-1627 година е обележано селото Туденце со 32 домаќинства. Во 1900 година Туденце има 285 жители, а во 1929 година Туденце има 82 куќи со 625 жител. Според пописот од 2002 година, Туденце има 431 жители.

Во Туденце се наоѓа најстарата ранохристијанска базилика во Македонија.